ມື້ວັນສຸກທີ່ຜ່ານມາ AnyDesk ໄດ້ອອກມາເປີດເຜີຍວ່າ ລະບົບ Production ຂອງຕົນເອງຖືກແຮັກ ລວມເຖິງທາງ BleepingComputer ຍັງສືບຮູ້ມາອີກວ່າ Source Code ແລະ Private Code Signing Key ກໍຖືກລັກອອກໄປດ້ວຍເຊັ່ນກັນ.
AnyDesk ກວດພົບວ່າ ລະບົບ Production Server ຂອງຕົນເອງຖືກແຮັກ ແລະ ຫຼັງຈາກທີ່ເຮັດ Security Audit ແລ້ວກໍໄດ້ຮັບຄວາມຊ່ວຍເຫລືອຈາກ CrowdStrike ໃນການຮັບມືກັບໄພຄຸກຄາມຄັ້ງນີ້.
ທາງ AnyDesk ບໍ່ໄດ້ເປີດເຜີຍອອກມາວ່າ ມີຂໍ້ມູນຫຍັງແດ່ ທີ່ຖືກລັກອອກໄປ ແຕ່ທາງ BleepingComputer ນັ້ນໄດ້ຮັບຂໍ້ມູນມາວ່າ Source Code ກັບ Code Signing Certificates ນັ້ນຖືກລັກໄປນຳ ຊຶ່ງທາງ AnyDesk ກໍໄດ້ທຳການ Revoke Certificate ເຫຼົ່ານັ້ນແລ້ວ.
AnyDesk ລະບຸວ່າ ການໂຈມຕີເທື່ອນີ້ ບໍ່ມີຜົນກະທົບຕໍ່ລູກຄ້າຜູ້ໃຊ້ງານແຕ່ຢ່າງໃດ ແລະ ບໍ່ມີການກວດພົບວ່າອຸປະກອນຂອງລູກຄ້າຜູ້ໃຊ້ງານໄດ້ຮັບຜົນກະທົບຈາກເຫດການເທື່ອນີ້.
ທັງນີ້ AnyDesk ໄດ້ທຳການ Revoke ລະຫັດຜ່ານທັງໝົດໃນການເຂົ້າ Web Portal ແລະ ແນະນຳໃຫ້ທຳການປ່ຽນລະຫັດຜ່ານ ຖ້າຫາກລະຫັດຜ່ານດຽວກັນຖືກໃຊ້ໃນເວັບໄຊແຫ່ງອື່ນໆ.