ໃນວັນທີ 21 ທັນວາ 2022, ໄດ້ມີການແຂ່ງຂັນໂຕ້ວາທີໃນຫົວຂໍ້ ຄວາມປອດໄພ ເຕັກໂນໂລຊີດີຈີຕ໋ອນ, ຊຶ່ງການ ແຂ່ງຂັນຄັ້ງນີ້ ຖືເປັນຄັ້ງທໍາອິດ ທີ່ກົມຄວາມປອດໄພໄຊເບີຈັດຂຶ້ນ ເພື່ອສົ່ງເສີມ ແລະ ປູກຈິດສໍານຶກ ໃຫ້ໄວໜຸ່ມຍຸກໃໝ່ ຮັບຮູ້ຄວາມປອດໄພເຕັກໂນໂລຊີດີຈີຕ໋ອນ, ທັກສະການແບ່ງຄວາມຮັບຜິດຊອບພາຍໃນທີມ ແລະ ທີ່ສໍາຄັນ ແມ່ນເປັນການເຜີຍແຜ່ໃຫ້ສັງຄົມ, ບັນດານັກຮຽນຮູ້, ນັກສຶກສາ, ຜູ້ປະກອບການດ້ານເຕັກໂນໂລຊີດີຈີຕ໋ອນ ທັງພາຍໃນ ແລະ ຕ່າງປະເທດ ໄດ້ຮັບຮູ້ເຖິງຄວາມສໍາຄັນ ຂອງຄວາມປອດໄພທາງໄຊເບີ ຕໍ່ກັບວຽກງານການຫັນເປັນອຸດສະຫະກໍາ ທັນສະໄໝ ແລະ ພັດທະນາ ເສດຖະກິດດີຈີຕ໋ອນ ຂອງ ສປປ ລາວ.
ການແຂ່ງຂັນຄັ້ງນີ້ ມີຜູ້ສະໝັກເຂົ້າຮ່ວມ ແຂ່ງຂັນທັງໝົດ 23 ທີມ, ໄດ້ຄັດເລືອກເອົາ 8 ທີມ ເຂົ້າແຂ່ງຂັນຮອບທຳອິດ ໃນວັນທີ 18 ທັນ 2022 ເພື່ອຄັດເລືອກເອົາ 4 ທີມ ມາແຂ່ງຂັນໃນຮອບຊີງຊະນະເລີດ, ກິດຈະກຳການແຂ່ງຂັນ ແມ່ນໄດ້ແບ່ງອອກເປັນ ສອງສາຍ ແຕ່ລະສາຍ ມີ 4 ທີມ ຊຶ່ງທີມໜື່ງເປັນຝ່າຍສະເໜີ ແລະ ອີກທີມເປັນຝ່າຍຄ້ານ ໂຕ້ຕອບໃນລະຍັດຕິ ທີ່ໄດ້ກຳໜົດໃຫ້ ເຫັນວ່າແຕ່ລະທີມ ໄດ້ນໍາສະເໜີໃນແງ່ຄວາມຄິດສ້າງສັນ, ມູນມອງຄວາມຄິດ ຂອງໄວໝຸ່ມຍຸກໃໝ່, ການຊອກຫາຂໍ້ມູນ ແລະນໍາສະເໜີຂໍ້ມູນທີ່ແຕກຕ່າງກັນ ໃນບັນຫາດຽວກັນ.
ຜ່ານການໂຕ້ວາທີ ໃນຫົວຂໍ້ ຄວາມປອດໄພເຕັກໂນໂລຊີດີຈີຕ໋ອນຄັ້ງນີ້ ຜົນປະກົດວ່າ ຝ່າຍຄ້ານ ເປັນຜູ້ຊະນະເລີດ ໃນຍັດຕິ ທີ່ວ່າ ສັງຄົມຂຶ້ນກັບເຕັກໂນໂລຊີ
– ອັນດັບທີ 1 ທີມ Cyberthon1 ຮັບເງິນລາງວັນ 5,000,000 ກີບ ພ້ອມໃບຍ້ອງຍໍ.
– ອັນດັບທີ 2 ທີມ ພິຊິດໄຊ ຮັບເງິນລາງວັນ 3,000,000 ກີບ ພ້ອມໃບຊົມເຊີຍ.
– ອັນດັບທີ 3 ທີມ Wakanda ແລະ Fetus ຮັບເງິນລາງວັນທີມລະ 1,000,000 ກີບ ພ້ອມໃບຊົມເຊີຍ.
