Fortinet ໄດ້ອອກມາຢືນຢັນຂ່າວທີ່ມີກຸ່ມແຮັກເກີ ສາມາດເຂົ້າໄປລັກຂໍ້ມູນເທິງ Azure Sharepoint ຂອງຕົນໄດ້ ໂດຍຢືນຢັນວ່າ ມີຜົນກະທົບກັບລູກຄ້າ ພຽງແຕ່ບໍ່ກາຍ 0.3% ເທົ່ານັ້ນ ແລະ ຍັງບໍ່ມີການເປີດເຜີຍເຖິງເນື້ອຫາຂໍ້ມູນທີ່ຖືກລັກໄປ.
ກຸ່ມແຮັກເກີ Fortibitch ໄດ້ອ້າງຄວາມຮັບຜິດຊອບວ່າ ຕົນສາມາດລັກຂໍ້ມູນຂອງ Fortinet ໄປໄດ້ເຖິງ 440 GB ຊຶ່ງໄດ້ມີການແບ່ງປັນກັບກຸ່ມແຮັກເກີອື່ນຕໍ່ໄດ້ຜ່ານທາງ S3 Bucket ໂດຍແຮັກເກີໄດ້ພະຍາຍາມຂູ່ໃຫ້ Fortinet ຈ່າຍຄ່າໄຖ່ ແຕ່ບໍ່ສຳເລັດ ຈຶ່ງທຳການເປີດເຜີຍຂໍ້ມູນອອກໄປ, ຫລ້າສຸດ Fortinet ໄດ້ຢືນຢັນວ່າເຫດການເກີດຂຶ້ນເປັນຈິງແທ້ ແຕ່ສົ່ງຜົນກະທົບກັບລູກຄ້ານ້ອຍຫລາຍ ບໍ່ເກີນ 0.3% ແລະ ມີການແຈ້ງບອກກັບລູກຄ້າໂດຍກົງແລ້ວ ຊຶ່ງສາເຫດເກີດທີ່ Shared Drive ເປັນເຄືອຂ່າຍພາຍນອກ ບໍ່ແມ່ນເຄີອຂ່າຍພາຍໃນ ຂອງບໍລິສັດ.