ກຸ່ມຄົນຮ້າຍທີ່ຊື່ RansomedVC ອ້າງວ່າ ສາມາດເຈາະລະບົບຂອງ Sony ໄດ້ ພ້ອມກັບເຜີຍແຜ່ຂໍ້ມູນບາງສ່ວນ ຕໍ່ມາມີແຮັກເກີອີກກຸ່ມ ອ້າງວ່າຕົນເປັນຕົວຈິງ ພ້ອມຫຼັກຖານຫລາຍກວ່າ ໃນຂະນະທີ່ Sony ຍັງກຳລັງກວດສອບຄຳກ່າວອ້າງເຫຼົ່ານັ້ນຢູ່
RansomedVC ເປັນຜູ້ເລີ່ມຕົ້ນອ້າງຄວາມຮັບຜິດຊອບເຫດການແຮັກ SONY.com ໂດຍບອກວ່າ ຕົນບໍ່ຕ້ອງການຮຽກຄ່າໄຖ່ຫຍັງ ຕ້ອງການຂາຍຂໍ້ມູນຫລາຍກວ່າ ເພາະ Sony ຍັງບໍ່ຍອມຈ່າຍ ຂໍ້ສັງເກດຄືແມ່ນ RansomedVC ຈະອ້າງວ່າໄດ້ຮັບຂໍ້ມູນຫລາຍວ່າ 260 GB ແຕ່ກັບເຜີຍຂໍ້ມູນ ເພື່ອຢືນຢັນພຽງ 2 MB ທີ່ປະກອບດ້ວຍ PowerPoint, ໂຄ້ດ Java ພາບໜ້າຈໍຂອງ Eclipse IDE ແລະ ອື່ນໆ
ເຫດການເລີ່ມຫຍຸ້ງຂຶ້ນ ເມື່ອມີຄົນຮ້າຍອີກກຸ່ມທີ່ຊື່ MajorNelson ອ້າງວ່າຕົນເປັນຕົວຈິງ ຊຶ່ງ RansomedVC ເປັນພຽງພວກ Scammer ເທົ່ານັ້ນ ໂດຍ MajorNelson ໄດ້ຢືນຢັນດ້ວຍຂໍ້ມູນຂະໜາດໃຫຍ່ກວ່າເຖິງ 3.14 GB ໂດຍມີຂໍ້ມູນ Credential ຈຳນວນຫລາຍທີ່ໃຊ້ພາຍໃນ ພ້ອມກັບໄຟລ໌ອື່ນໆຫຼາຍລາຍການ
ຢ່າງໃດກໍດີ ບໍ່ມີໃຜຢືນຢັນເຫດການໄດ້ດີໄປກວ່າ SONY ຊຶ່ງຫຼັງຈາກເກີດເຫດ ທາງໂຄສົກກໍອອກມາຊີ້ແຈງວ່າ “ເຮົາກຳລັງສືບສວນເຫດການນີ້ຢູ່ ຍັງບໍ່ໃຫ້ຄວາມເຫັນໃດໆ” ປະເດັນສຳຄັນຄື ນີ້ບໍ່ແມ່ນການຖືກແຮັກເທື່ອທຳອິດ