Google ໄດ້ເປີດໂຕ Secure AI Framework (SAIF) ໃໝ່ ຊ່ວຍແນະນຳການພັດທະນາລະບົບ AI ສຳລັບໃຊ້ງານໃນອົງກອນຢ່າງມີຄວາມປອດໄພ ແລະ ປ້ອງກັນການໂຈມຕີ ທີ່ອາດເກີດຂຶ້ນໃນຂັ້ນຕອນການພັດທະນາ AI ໄດ້ ເຊັ່ນ: ການປ້ອງກັນການລັກໂຄ້ດ Neural Network, ການເຮັດ Data poisoning ກັບ Training Dataset ໂດຍ SAIF ປະກອບດ້ວຍ Best Practice 6 ສ່ວນຫຼັກ ທີ່ກ່ຽວຂ້ອງກັບຂັ້ນຕອນການພັດທະນາ AI ເຊັ່ນ: ການສ້າງ Security Foundation ທີ່ແຂງແຮງສຳລັບ AI Ecosystem ເພື່ອປົກປ້ອງ System ແລະ Application ຈາກການໂຈມຕີຈາກ SQL Injection ລວມເຖິງການເຮັດ Input Sanitization ແລະ Limiting ເພື່ອປ້ອງກັນການໂຈມຕີປະເພດ Prompt Injection, ການເພີ່ມລະບົບ Detection and Response ເພື່ອປ້ອງກັນໄພຄຸກຄາມ ໂດຍແນະນຳໃຫ້ມີການກວດສອບ Input ແລະ Output ຂອງລະບົບ AI ດ້ວຍການໃຊ້ Threat Intelligence ແລະ ການເພີ່ມລະບົບ Automate Defense ເພື່ອປ້ອງກັນໄພຄຸກຄາມທີ່ອາດມີການໃຊ້ງານ AI ເພື່ອຍົກລະດັບການໂຈມຕີ.
Google ໄດ້ແນະນຳໃຫ້ທີມ Cybersecurity ຂອງອົງກອນເຂົ້າມາມີສ່ວນຮ່ວມໃນໂຄງການ AI ໂດຍອາດມີການກວດສອບການໃຊ້ງານ AI ຂອງພະນັກງານໃນອົງກອນ ເພື່ອປະເມີນຄວາມສ່ຽງ ແລະ ອາດແນະນຳເຄື່ອງມືຕ່າງໆ ໃນການໃຊ້ງານລະບົບ AI ເພື່ອສ້າງເປັນມາດຕະຖານຂອງອົງກອນ.