ນັກວິໄຈໄດ້ຝຶກ AI ກ່ຽວກັບສຽງການກົດແປ້ນພິມ ແລະ ຕິດຕັ້ງໃນໂທລະສັບທີ່ຢູ່ໃກ້ໄມໂຄໂຟນໃນຕົວ ເມື່ອທົດສອບກັບສຽງກົດແປ້ນພິມໃນ MacBook Pro ສາມາດຖອດລະຫັດດ້ວຍຄວາມຖືກຕ້ອງສູງເຖິງ 95% ເປັນຄວາມຖືກຕ້ອງສູງສຸດ ທີ່ນັກວິໄຈເຄີຍພົບ ໂດຍບໍ່ຕ້ອງໃຊ້ large language model (LLM).
ໃນການໂຈມຕີນີ້ ແຮັກເກີ ອາດສົ່ງມັນແວໄປຕິດຕັ້ງໃນໂທລະສັບ ຫລື ອຸປະກອນອື່ນໆ ເພື່ອລວບລວມຂໍ້ມູນຈາກການກົດແປ້ນພິມ ແລະ ປ້ອນລົງໃນ AI ໂດຍຟັງຈາກໄມໂຄໂຟນ ຂອງອຸປະກອນ ນັກວິໄຈໃຊ້ CoAtNet ຊຶ່ງເປັນຕົວຈຳແນກພາບ AI ສຳລັບການໂຈມຕີ ແລະ ຝຶກດ້ວຍການກົດແປ້ນພິມໃນແຕ່ລະແຖວ 25 ຄັ້ງ ໄລ່ເທື່ອລະແຖວຈົນຄົບ 36 ປຸ່ມ ເທິງແປ້ນພິມທີ່ລວມເຖິງສັນຍະລັກ ແລະ ຕົວເລກຂອງ MacBook Pro ດ້ວຍການໃຊ້ນິ້ວ ແລະ ນ້ຳໜັກມື ທີ່ແຕກຕ່າງກັນ.
Bleeping Computer ລາຍງານວິທີແກ້ໄຂ ການໂຈມຕີໃນລັກສະນະນີ້ ໂດຍການຫຼີກລ່ຽງການພິມລະຫັດຜ່ານ ແລະ ໃຫ້ໃຊ້ປະໂຫຍດຈາກຄຸນສົມບັດ ຕ່າງໆ ເຊັ່ນ: Windows Hello ແລະ Touch ID ລວມທັງຍັງສາມາດລົງທຶນໃຊ້ເຄື່ອງມືການຈັດການລະຫັດຜ່ານ ຊຶ່ງບໍ່ພຽງແຕ່ຫຼີກລ່ຽງໄພຄຸກຄາມ ຈາກການພິມລະຫັດຜ່ານ ເທົ່ານັ້ນ ແຕ່ຍັງຊ່ວຍໃຫ້ຜູ້ໃຊ້ ສາມາດໃຊ້ລະຫັດຜ່ານ ແບບສຸ່ມສຳລັບທຸກບັນຊີ ໄດ້ອີກດ້ວຍ.